Газар доор уусган олборлох арга
Giving Nuclear Energy it’s full value
Газрын доор уусган олборлох арга нь олборлолтын уламжлалт аргууд болох ил болон гүнийн уурхайгаар олборлох боломжгүй элсэн чулуун дахь ураны ордыг олборлоход ашигладаг арга юм.
ГДУО аргын хэрэглээ
ГДУО арга нь уран олборлоход хамгийн өргөн ашиглаж байгаа арга юм. Тус аргаар бусад металл, тухайлбал зэс олборлодог.
Дэлхийн ураны олборлолтын
48%-г
Газар доор уусгах олборлох аргыг ашиглан хийж байна.
2000 оноос хойш ГДУО-г ашиглан олборлосон Ураны эзлэх хувь
3 дахин
өссөн.
Газрын доор уусган олборлох арга ямар зарчмаар явагддаг вэ?
Геологийн нөхцөл тохиромжтой байх үед Газрын доор уусган олборлох аргыг агуулга багатай ураны ордыг олборлоход ашиглах боломжтой.
Бага хэмжээний гүний үйлдвэрлэлийн усыг соруулж аваад, 2 хувийн концентрацтай хүхрийн хүчил нэмнэ. Хүчилжүүлсэн усны рН буюу хатуулаг нь 1,5 байдаг.
Хүчилжүүлсэн усыг ураны хүдэржилт байрлах уст үе рүү шахах цооногоор шахна. Уг уусмал хүдрийн биетээр нэвтрэхдээ өөртөө ураныг уусгаад, цаашлаад соруулах цооногт хүрч газрын гадаргa руу сорогдон гарч ирснээр боловсруулах хэсэгт хүргэгддэг. Үүний дараа ураныг шингэнээс нь салган, худалдаалах боломжтой ураны концентрат буюу ураны хүдрийн бүтээгдэхүүн үйлдвэрлэнэ.
ГДУО аргыг ашигласнаар уран агуулагч хүдрийг газрын гадаргад гаргаж ирэлгүй металыг нь олборлодог.
ГДУО арга бусад аргуудаас давуу талтай болох нь
ГДУО арга нь ил болон гүний уламжлалт уурхайн аргуудтай харьцуулахад эдийн засгийн үр ашиг, техник технологи мөн байгаль орчны хувьд олон давуу талтай улам өргөн ашиглагдах болсон билээ. Үүнд:
- Хөрөнгийн зардал бага (уурхайн хүнд машин, тоног төхөөрөмж шаардлагагүй, хүдэр бутлахгүй, боловсруулах үйлдвэр нь илүү энгийн)
- Үйл ажиллагааны зардал бага (тэсэлгээ, хөрс хуулалт хийхгүй)
- Үйлдвэрлэлийн хүчин чадлын уян хатан байдал
- Хаягдал буюу хүдрийн биетийг зөөвөрлөхгүй
- Ил нүх, хаягдлын овоолго үүсэхгүй
- Олборлолт хийхэд ус шавхах шаардлагагүй
- Байгалийн төрхийг хамгийн бага хөндөнө
- Хамгийн бага хэмжээнд шуугиан, тоос, дизель зэргийг ялгаруулна (хүнд техник тоног төхөөрөмжийн хэрэглээ хамгийн бага, тээвэрлэлтийн зам үүсэхгүй) зэрэг давуу талтай
ГДУО аргыг ашиглах нөхцөл
Геологийн нөхцөл тохиромжтой байх үед Газрын доор уусган олборлох аргыг агуулга багатай ураны ордыг олборлоход ашиглах боломжтой.
- Ихэнхдээ уран агуулагч элсэн чулуун давхарга бүхий геологийн формаци нь уран уусгагч болон үйлдвэрлэлийн урантай уусмалыг нэвтрүүлэхүйц нэвчимтгий байх ёстой.
- Ураны хүдрийн биет байрлах гүний уст давхрага нь байгалаасаа давс, уран болон бусад металлаар баялаг тул ундны усанд тохиромжгүй юм.
Гүний усыг хамгаалах зарчим
ГДУО аргыг ашиглахад тулгардаг байгаль орчин хамгааллын хувьд анхаарууштай гол сэдэв нь гүний усыг хамгаалах явдал юм. Тиймээс гүний усыг дараах зарчмаар хамгаална. Үүнд:
- ГДУО аргаар олборлолт хийхийн өмнө тухайн бүс нутгийн гүний усны тогтоцыг нарийвчлан судалсан байна
- ГДУО аргаар олборлолт хийх нь ундны усны нөөцийг эрсдэлд оруулж болохгүй
- Олборлолтын бүхий л шатанд олборлолтын бүсээс цөөн километр бүхий тооцоолсон хэсгээс гадагш эрдэсжилт бүхий гүний усны давхрагаас бусад давхрагын гүний усыг эрсдэлд оруулж болохгүй
- ГДУО аргаар олборлолт явуулах үед тухайн олборлолтын бүс дэх усны бусад давхаргад нөлөөлөл үзүүлж болохгүй
- Олборлолтын хугацаанд гүний усны урсгал, чанарыг хянах зорилгоор олборлолтын бүсийн дотор, гадна хяналтын цооногуудыг байрлуулна
- Нөхөн сэргээлт хийсний дараа уурхай хаагдсаны дараах гүний усны чанар нь олборлолт эхлэхийн өмнөх үеийнхтэй адил түвшинд байвал зохино
Зөөвч-Овоо орд дээр Газрын доор уусган олборлох технологи ашиглах нь
Зөөвч-Овоо талбайн гүний ус, уст давхарга
Зөөвч-Овоо төсөл
Giving Nuclear Energy it’s full value
Уран
Giving Nuclear Energy it’s full value
Mongolian 
English